من المسخرة العالمية السنادي ان أوباما ياخد نوبل للسلام في نفس الوقت الي فيه ذكرى العبور والي فيه غزة لسا محاصرة بعد حرب وحشية صدر عنها تقرير حقوقي يجرمها مع أن الأسباب الأساسية وراها تقاعسنا والدعم الأمريكي المطلق...
كل دا في نفس الوقت... نفس الشهر...
أكتوبر 2009... شهر مسخرة بصحيح.
كل دا بيفكرني بالأخبار الي بنشوفها عن سفن متجهة إلى غزة في محاولة لكسر الحصارالمفروض عليها
السفن الي منطلقة من دول حكوماتها كافرة... باسم حقوق الإنسان والكلام الفاضي دا...
و عليها ناس في الأغلب لا هما عرب ولا حتى مسلمين...
بيذكرني بتقصيرنا في حق اخواننا...
(إلي مافي علم عربي يوحد ربنا)(والأخ الي قاعدلي)
والأهم من دا كله...
عيني بتتفتح على شيء مخيف:
ان الي بيحصل دا عبارة عن استبدال لينا...
علشان دا المفروض شغلنا احنا...
لكن علشان حضراتنا تقاعسنا، ربنا بيستبدلنا.
ولأن الدنيا مش هتقف علشان حضراتنا واقفين.
ورزق ربنا هينزل، وفرجه المكتوب لإخواننا هيوصل.
سواء عن طريقنا ولا عن طريق بديل لنا.
"وما نحن بمعجزين"
.........................................................
أيوا تقاعسنا,,,
يا جماعة إلي مش متخيل الوضع يتخيل معايا...
المجرمين اليهود بيمنعوا عن غزة أهم حاجة في الحياة و الشريان الأساسي لها...
من الآخر إجرام ميطلعش غير من يهود... بيقطعوا عنهم الطاقة...
الطاقة بكل أنواعها إلي هيا طبعا أساسها المنتجات البترولية...
و طبعا منع الطاقة مش معناه أنك متلاقيش بنزين في المحطة
ولا النور يقطع و ظلمة بليل وخلاص
(مع ان دي لوحدها صعبة)...
لا دا معناه تعطل جميع نواحي الحياة...
...............................................
أول حاجة تعطلت وسائل النقل بكل الأنواع و فـ جميع القطاعات...
المستشفيات مش عارفة تشغل سيارات الإسعاف بتاعتها علشان تنقل المرضى و المصابين و الحوامل...
و الدفاع المدني و الأمن نفس القصة...
و طبعا السيارات الخاصة...
والسيارات الخاصة بالبلدية... مش قادرين ينقلوا النفايات ولا يقوموا بري الأشجار...
(حتى الأشجار بتموت في غزة بدون طاقة)
تاني حاجة الكهربا قاطعة وأكيد كلنا عارفين ازاي بيوت القرن الحادي و العشرين كل حاجة شغالة فيها بالكهربا مش بس الإضاءة
تخيل يوم واحد عندك بدون كهرباء
والمياه كمان قاطعة لأن المضخات و محطات التنقية بتشتغل على نوع من أنواع الطاقة أيا كان شكله
والدنيا غرقانة في المجاري لأن مضخات المجاري ومحطات الرفع و المعالجة عايزة طاقة تشغلها شوف المشاكل الصحية والبيئية إلي بتحصل بسبب دا إلى جانب طبعا النفايات إلي قلنا عليها
و المستشفيااااات!!!! الناس هتموت في المستشفيات إلي فيها أجهزة مهمة محتاجلها طاقة
شايفين كمية الأجهزة في الصورة؟؟؟... يا ترى بيشغلوها ازاي؟
ولا بيحاولوا يوفروا قدر الإمكان؟؟؟...
يمكن بيحاولوا يوفروا بتكديس خمسة توائم في حضانة واحدة؟؟؟
....................................................................
ويا ريت محاصرينهم و سايبينهم في حالهم!!!!
لا دا كل يوم مرضى بسبب تردي الأوضاع الصحية
و جرحى و مصابين بسبب الإجتياحات المتكررة من قبل الإحتلال
والحرب المجرمة الأخيرة
صحيح بندعيلهم في صلاتنا و في خطب الجمعة في كل أنحاء العالم الإسلامي
الدعاء مهم لكن لوحده مش كفاية...
"إن الله لا يغير ما بقوم حتى يغيروا ما بأنفسهم"
لازم الحركة الفعلية...
و صحيح في مصر تحركت قبيل الحرب حملتين شعبيتين لكسر الحصار...
الأولى كانت في العاشر من رمضان السنة الي فاتت تيمنا بالشهر الكريم و بالذكرى الهجرية للانتصار على المجرمين دول
و الثانية كانت في السادس من شهر أكتوبر السنة الي فاتت برضو (الذكرى الميلادية للانتصار)
حركة فعلية أهي لكن لم تصل أيا منهما... و الأنظمة... ما شاء الله عالأنظمة!!!
ومن ساعتها مسمعتش عن حركات كبيرة غير الي أيام الحرب...
جا رمضان السنادي وخلص... وجا السادس من أكتوبر وراح وأكتوبر 2009 شهر المسخرة قرب يخلص
ليه محصلش حاجة؟؟؟ ليه بطلنا نتحرك؟؟؟
لم يتحقق الهدف... يعني كمية الحركة مش كفاية...
الي هيا أصلا بتقل مش بتزيد
شغلنا يا جماعة مش كفاية...
دعـائنا مش كفاية...
حركتنا مش كفاية...
تبرعاتنا مش كفاية...
تضـامنا معاهم مش كفاية...
كل دا لم يحقق فرق على أرض الواقع...
لازم نكثف كل دا و نزوده علشان نحل جزء ولو صغير ومؤقت من قضيتنا الكبيرة
امتى و ين وكيف؟؟
ردحذفعطينا طريقة بما انك عرفان انو مو كفاية
ماعطيتنا حل ولا بديل لكسلنا
شو لازم نعمل؟
عطينا ارقام خطط شي عملي
حتى غضبك كان كلام
:)
كان المفروض دا يبقا نتيجة نقاش هنا... بس محدش اهتم حضرتك اول من علقت
ردحذفأنا برأيي ان المظاهرات والوقفات دي كلها كلام فاضي لو متحولتش لحركة فعلية زي الناس الي اتحركوا فعلا بقافلة للضغط على الحصار
دا بالنسبة لجزء غزة...ـ
والأشمل منه القضية ككل
شايف ان أول خطوة فيها اننا نفهم الموضوع صح
يعني مثلا لازم نكون عارفين ان الحرب بيننا وبين الصهاينة حرب عقيدة... مش مجرد حرب أرض محتلة وكلام من دا
لأن لن يرضوا عنا حتى نتبع ملتهم
وسيزالون يقاتلوننا حتى يردونا عن ديننا
كمان لازم نفهم ان ربنا مسلطهم علينا طول ما احنا سيئين ولا نستحق ان نكون المستخلفين في الأرض
ودي مش حاجة جديدة في التاريخ
يعني في ناس اسمهم القرامطة ربنا سلطهم على المسلمين لدرجة انهم هدموا الكعبة واخدوا الحجر الأسود وبنوا كعبة في هجر... والحج فضل متعطل سنين
نقطة كمان مهمة اننا نعرف ان ربنا وعدنا النصر وعرفنا شروطه
....
التصرف بقا في النقاط دي
الأولى: نعرف ان دول أعدائنا ولا نرضى بمهادنتهم أبدا
الثانية: نصلح من أنفسنا علشان ربنا ميسلطش علينا حد
الثالثة: ليها علاقة وثيقة بالثانية وتعتبر هدف الإصلاح... لازم نعرف الشروط ونصلح لحد ما نوصلها
يارب تكون بتابع وتقرأ الكلام دا وميكونش انتقادك مجرد كلام :)ـ