مش فاكر مين بالضبط لأن الكلام دا من زمان قوي أيام ما بيل جيتس كان لسا ليه في البيزنس، ممكن سنة 2000... خلينا نفترض انه الفورد
المهم ان كان سببها أن في أحد المقابلات التليفزيونية بيل جيتس قال: "لو صناعة السيارات بتتطور زي صناعة الكمبيوتر كان زمان الـفورد بـ15 دولار"
بتوع الفورد عملوله مقابلة تليفزيونية مخصوص وردوا عليه قالوا: "احنا نقدر نخلي تطور صناعة السيارات زي تطور صناعة الكمبيوتر، بس المشكلة أننا لو عملنا كدا...
- كل ما ننزل موديل جديد هنضطر نعلم الناس السواقة من الأول
- وفي ناس كتير قوي هيموتوا في إنهيارات النظام (system failure)
وبعد عشر سنين... جا اليوم الي أشوف فيه العربيات بتهنج بجد...
القصة وما فيها، إني كنت مسافر مع شخص بـ تويوتا كامري 2010
عربيته، وهوا سايق... والظاهر كان مصمم يموتنا... طول الطريق على 190-200
لا وكان في مطر كمان... طبعا بقا بما أني اتقلبت بالعربية مرتين
وبخبرتي العميقة في الحوادث... دماغي قعدت تشتغل...
لو أي حاجة فاجأته وايده اتهزت على الدركسيون...
ممكن العربية تعوم منه ونلبس في أي حاجة، وممكن ببساطة نتقلب 60 قلبة
أو لو عجل ضرب على السرعة دي...
ممكن،،، لا مش ممكن، المرادي أكيد هنتقلب، حتى من غير ما يلمس الفرامل
وفي وسط ما دماغي عمالة ترسم في سيناريوهات الحوادث الشنيعة
فجأةً لقيت الراجل اتخض وطلع لقدام بظهره كدا بيركز في حاجة
وبيدوس فرامل... بس الحمدلله العجلات سليمة
شعري وقف طبعاً... بس مش حاسس بأي حاجة غلط
- ايه ياااا عم في ايه؟
- مادري، لمبة البريك ولعت (يقصد فرامل اليد)
مديت راسي، علشان أشوف لوحة العدادات
- ولمبة الـABS كمان مولعة، كان عندي سوزوكي لما يولعوا مع بعض يبقا في مشكلة في زيت الفرامل، فين الكاتالوج؟
- جديدة السيارة مالها شهرين (مبقالهاش شهرين)... عداد السرعة بعد طاح (عداد السرعة رجع للصفر كمان)
اتصل بواحد
- وأنا أمشي، فجأة..... بيشرحله الموقف...
- .......... مش سامع التاني أكيد...
خلص المكالمة
- ها قالك ايه؟
- قال عادي إفصل البطارية وإرجع وصلها
وقف على جنب... شد الهاند بريك ونزله تاني... داس بنزين...
وبعدين طفى العربية استنى شوية وشغلها تاني...
رجعت كل حاجة طبيعية... حرك العربية شوية، عداد السرعة شغال
أنا بقا مذبهل... وبضرب كف بكف
يا نهار ملون... عملها Restart...
طك طك... إيه بضرب كف بكف
كانت مهنجة وعملها ريستارت...
طك طك... طك طك
الحمدلله انها لما هنجت مش حاجة خطيرة الي وقفت زي نظام التوجيه مثلا ولا الفرامل...
والحمدلله لسا عايشين... ولسا ياما هنشوف
ههههههههههههههههههههههه
ردحذفهههههههههههههههههههههههههههههههههههههههههههه
أهلا وسهلا
ردحذفجامدة ومشوقة ومضحكة فعلا
ردحذفوعلى العموم حمد لله على سلامتك
أهلا أهلا بالباشا الكبير سراج بيه الأول
ردحذفدا بس من ذوقك يا باشا
انا فعلا كنت مش مصدق ان اليوم دا جه واني بشوفه بعيني وقعدت اضرب كف بكف
....
الله يسلمك :)ـ
هههههههههه
ردحذفحمد الله على السلامة :)
خطييييييرة القصة *o*
والله أنا حسيت بالأفكار كلها اللي كانت في دماغك بما أ،ي عشت التجارب اللي عشتها في الحوادث ههههههه
هو إيه اللي خلاك أصلا تركب معاه في الأول P:
يلا جزاك الله خيرا بجد فظيعة عربية بتهنج كمان هههههه
الله يسلمك
ردحذفاه كل مرة انت الي بتتكسري :(ـ
المرة الجاية لما اجي أعمل حادثة هحرص اني أكون لوحدي p:
ركبت معاه بقا اش عرفني انه هيمشي بسرعة
واياكم :)ـ
لااااا بعد الشر عليك :)
ردحذفربنا يخليكي :)ـ
ردحذف