من مدة قصيرة استأجرت شقة وأثناء الترتيب والتنظيف لقيت كمية عجيبة من سلك الرباط متكومة على حافة الشباك من برا
زي الي عليه دوائر حمراء دا
صحيح في مواقع بناء حولي كثيرة ولكن دا لا يفسر وجود كل الكمبية دي متكومة عندي وكلها قطع قصيرة
دي لازم حد حطها مش ورق هوا ولا تراب هيطير
بدأت أشيل قطع السلك وأرميها لقيت في وسطها مسامير كمان
مسامير كتير... زاد استغرابي
ولما ركزت شوية انتبهت انهم كانوا متكومين بشكل دائري
دا عش طائر!!!! ايه الطائر ابن الذينا الي عامل عش حديد دا
وكنت بالفعل شلت نصه فمنفعش أصوره... وشلت الباقي
تاني يوم سافرت لمدة ثلاثة أيام ورجعت... بفتح الشباك لقيت العش اتعمل تاني!!!
بس المرادي بقش وشكله عش... طبعا مش هشيله المرادي... سبته
أكيد لما يحس ان الشقة بقا فيها حركة هيشوفله مكان تاني يعيش فيه وهيمشي لوحده
وبرضو ما اهتمتش اني اصوره
ومفيش كام يوم جتلي سفرية تانية وبعدها إجازة فغبت لمدة اسبوعين
لما رجعت كان معايا أخويا ودخلت معاه الغرفة اياها علشان كنت عايز أوريه اني مش عارف اخلع الشباك علشان أغسله وأنظف الزجاج من برا
فتحت الستارة وأنا باصص لأخويا بكلمه... وبفتح الشباك فزعني شيء بيتحرك وصوت تكتكتكتكت... نطيت في مكاني
في ثواني طبعا تداركت أن الأخت صاحبة العش طعلت حمامة... خافت وكانت بتطير
قلت لأخويا: دي شكلها صاحبة العش الحديد الي حكيتلك عنه
وببص ناحية الشباك!!!!!
ايه دا... دي باضت
قال أخي: كدا المفروض متفتحش الشباك لمدة أسبوعين أو ثلاثة علشان البيض ميتهواش من المكيف
قلت: الغرفة دي مش هستعلمها أصلا... هاجي أصور بس :)
وأخدتلي كام صورة
ودي صورتها علشان أبين حجم البيضة
وتربصت تاني يوم علشان أصور نجمتنا صاحبة العش
وبالعافية لحقت اخدلها صورة قبل ما تطير
وبالعافية لحقت اخدلها صورة قبل ما تطير
طارت... بس لاحظت ان كأنها وقفت على مكان قريب مبعدتش
طلعت راسي برا الشباك... لقيت عش تاني فوق المكيف فيه حمام صغير وشباك هناك فيه عش برضو
وماسورة كدا طالعة من عندي مش عارف بتاعت ايه واقفة عليها الأخت ومريحة
طلعت منطقة سكنية للحمام
وتعبت علشان اصورها وهيا راقدة على البيض مش قادر...
إلا من ورا الزجاج الي لونه زيتي والي مش عارف انظفه
طلعت راسي برا الشباك... لقيت عش تاني فوق المكيف فيه حمام صغير وشباك هناك فيه عش برضو
وماسورة كدا طالعة من عندي مش عارف بتاعت ايه واقفة عليها الأخت ومريحة
طلعت منطقة سكنية للحمام
إلا من ورا الزجاج الي لونه زيتي والي مش عارف انظفه
الصور زبالة... اهيء اهيء... ضروري أجيبلي كميرا عدلة
قعدت يومين بتابعها كدا من ورا الزجاج ودايما بلاقيها موجودة وقاعدة في العش
وتمنيت اني أقد أصور البيض فيديو وهوا بيفقس
كنت فاكرها مش بتشوفني علشان الزجاج عاكس
بس في مرة لما رجعت من صلاة الفجر جيت أبص عليها لقيتها بتضرب الزجاج بجناحها
فا مشيت... وبعدها فكرت مادام بقت تضرب يبقا لو فتحت مش هتهرب
لو استنيت لحد ما الشمس تطلع كويس هقدر أصورها وهيا قاعدة في العش
لما رجعت من الشغل اتجهت عليها مباشرة حاملا موبالي وفتحت الشباك بشويش
فعلا مطارتش... بس نفشت ريشها بقا شكلها مش حلو، وبدأت تضرب
ولاحظت انها مش قاعدة براحتها كدا... كأنها مرتفعة
ميلت راسي أشوف ايه الموضوع لقيت تحتها حاجات صفرا... كبيرة!!!
يخسارة... البيض فقس والكتاكيت كبرت شوية كمان
شكلها فقست من ساعة ما الحمامة بدأت تضرب :(
وهيا عمالة تضرب في الارض والموبايل... أشفقت عليها فقفلت الشباك
الظاهر خافت من حركة الشباك راحت سايباهم وماشية
شفتهم مقدرتش فتحت تاني علشان أصور
وصور أخرى أقرب ومن عدة زوايا
وإن شاء الله الدوينة دي متجددة هحط فيها التطورات
وأتمنى اني أقدر أصورهم والأخت صاحبة العش بتأكلهم
تابعونا...
تحديث 1
قدرت أصور العش، أو بالأصح الأعشاش الي فوق المكيف من قريب
مبهدلينلي ام المكيف
الكتاكيت الصغيرين بدأوا يغيبروا الزغب ويطلع الريش
ودي صورة من الحياة اليومية الي بيمارسوها على شباكي
وفي تطورات رهيبة حصلت هيا الي شجعتني اني أرجع وأحدث... بجهزها حاليا علشان انزلها
يناااااااسووووووووووووووووووو أول مرة أشوف بيض قد كدا صغره ♥♥
ردحذفسبحاااان الله مرررررره يجنننننننووووو ..
لو سمحت سراج قول لدي الحمامة خليها تشرّف على شباك غرفتي هي وكتاكيتها وربي مرررره حلوو شعور إنك تتابع كائن حي ..
ياااالله مررررره روووووعة سبحان الله ..
لو سمحت كل ما تعمل تحديث على دي التدوينة قولي بليييييييز :)
وشكراً لك ..
أهلا تونا... عندي المركز الأول مش صعب خالص
ردحذفبس برضو مبروك عليكي
مشكلة النقل والعزال والبنت لسا والدة تعب عليها
يا رب يرزقك ونسمع عن أولادك وتابعيهم
أي تحديثات هيكون عندك الخبر قبلها ان شاء الله... انت تأمري
أهلا سراج الثالث
ردحذفطبعاااااااااا من دون نقاش الموضوع عسوووووووووووووول أوي
بجد عسولين أوي هما وأمهم كمان والبيض ضغنون أوي وعسول أوي
أنا طبعا من غير كلام من عشاق جميييييع الحيوانات وأنت عارف كدة كويس طبعا المهم أما تحصل تطورات تاني لازم تقولي على الفيس أو بالتليفون
مااااشي
يلا سلاااام
وفي انتظار صورة الأم وهي بتأكلهم يارب تعرف تصورها
ردحذفيادي النور يا دي النور
ردحذفأكيد هقولك على طول... انا صورت كام صورة يمكن أحطهم بكرا
شفتها على فكرة بتأكلهم بس ملحقتش أصورها... الصورة جت وهيا بتطير
يلا ان شاء الله تزبط المرة الجاية
الله يخليك ..^o^..
ردحذفإن شاء الله يارب وأنا في الإنتظار ^_^
آه نسيت أقول حاجة
ردحذفبجد سبحااااان الله عش حديد!!!!!!!!!!!!!!
كان حديد... منا هدمته... يمكن هدمي ليه جا بفايدة لأني أعتقد الحديد مكانش هينفع عش
ردحذفيمكن !!!!! بس الحمام أدرى يمكن كانت لسة هتغطيه بقش
ردحذفيعني الحديد ده كان الخرسانة بتاعت البناء أو قاعدة البناء مثلا ههههه :) الله أعلم!!!
سبحان الله
ردحذفيلا ونسوك شوي
والحمد لله على سلامتها و مبارك ما اجاكم
:)
موني...ـ
ردحذفصحيح الحمام أدرى بشغله... الله أعلم
مش عايز أقولك على الأسمنت بتاعه عامل ازاي!!!ـ
...
غير معرف...ـ
سبحان الله
الله يسلمك ويبارك فيك
عقبال عندكم عن قريب ان شاء الله :)ـ
ماشالله قعدت تتابعهم لين فقسو
ردحذفانا كان عندي اعتقاد ان البيض مايفقس اذا احد لمسه
بس لما شفتك تمسكه غيرت الفكره
يعطيك العافيه خيوووو
آه مسكتهم وفقسوا عادي :)ـ
ردحذفبس حصل تطورات اكتشفتها اليوم... :(ـ
بجهز الصور أهو علشان انزلها