كل بني آدم طبيعي... بتكون حياته عبارة عن مجموعة إيقاعات روتينية طبيعية...
بينها نقاط تحول... بعضها بسيط... وبعضها بتغير كل حاجة
بس في الأغلب النقاط دي بتكون بسبب حوادث بتحصل بتغير نظرتنا للحياة
وإتجاهنا فيها...
وقليل قوي لما الواحد بياخد قرار ويعمل نقطة التحول دي بنفسه
دايما بيكون في حاجات مهمة المفروض نعملها....
ولا أحسن أخلي الكلام عن نفسي
دايما بيكون في حاجات مهمة المفروض أعملها أو أحيانا (أبطل أعملها)
لكن بسبب الكسل أو (قلة الهمة والعزيمة) أو بسبب مشاغل الحياة
بلاقي نفسي وقعت في دوامات من التأجيل والتسويف
والمواعيد المميزة... أول السنة، أول الشهر، رمضان،،، وكلام من دا
-حد جرب الدوامات دي؟- أعتقد أنها مسابتش حد
................................................
المشكلة بقى إني لما بلاقي حد الدوامة ماسكة فيه...
زي حد مثلا عايز يبطل تدخين... وبالتدريج بقا...
أنا بقلل حاليا بقيت أدخن 3 بس في اليوم... العلبة بقت تكمل معايا أسبوع...
هخلص العلبة دي ومش هشتري تاني...
أو حد عايز ينزل وزنه
على أول السنة هبدأ أمارس رياضة وأنزل وزني
دول من أشهر المواضيع... وفي حاجات تانية محدش يحب يقول عليها
على طول بقوله...
إلي عايز يعمل حاجة يعملها فورا... من غير تأجيل ولا تدريج
كدا مش هتعمل حاجة في الآخر... كل الي شفتهم بطلوا أخدوا قرار وبطلوا مرة وحدة
وكلام من دا... لكن الكلام سهل... ومش مقنع كفاية
لكن في عبارة عبقرية في موضوع التأجيل والمواعيد الي عمرها ما بتيجي
علشان إلي عايز حاجة فيها أول... وبداية جديدة
"اليوم هو أول يوم فيما تبقى لي من حياة"
بجد عبقرية... دائما اليوم هو أول يوم لمرحلة ليها علاقة مباشرة بيا
أحسن من أول الشهر الي مش عارف ايه الي ممكن يحصل فيه
أو أول السنة الي مش عارف اذا كنت هكملها ولا لأ
كنت بحسب شكسبير هوا الي قالها...
لأن الدكتور أحمد خالد توفيق وصفها بأنها عبارة شكسبيرية عبقرية
شكيت لأن فيها طابع ايماني...
وقعدت أبحث مقدرتش أعرف مين أول واحد قالها...
يمكن فعلا شكسبير... بس معنديش مصادر تؤكد أو تنفي
ودلوقت... سلام علشان ورايا حاجات لازم أعملها
بس بدي اسال سؤال
ردحذفليش كاتب تعليق "توماتيكي"؟؟؟؟
مش فاهم السؤال... هحاول أشرح الجوانب ذات العلاقة
ردحذف"تعليق توماتيكي" مكتوبة بجانب أربع خيارات (جيد، دمه خفيف، سيء، ممل)ـ
لما حد يحط صح جنب أي خيار بيزيد واحد في الرقم الي جنب الخيار... علشان كدا كتبت عليه توماتيكي...ـ
أو يمكن اعتراضك على الكلمة "توماتيكي"
عادي يعني بهزر... أقصد انك تقدر تبدي رأيك من غير ما تتحمل عناء الكتابة بوضع علامة بجانب التقييم الأنسب سواء كان ايجابي او سلبي... تعليق توماتيكي يعني
أرجوا اني اكون أجبت على السؤال الي انا مش فاهمه اصلا
بجد موضوع رائع ما شاء الله
ردحذفأنت في هذا الموضوع كأنك تتكلم علي فأنا دائما ما أضع نفسي في هذه الدوامة ويارب أعرف أصمم بجد وأخرج منها على طول مش واحدة واحدة زي ما قلت وبإذن الله سأحاول من الآن
وأنا من المعجبين جداااا بفكرة هذه المدونة فوق السقف :)
ربنا يخليكي
ردحذفهيا دوامة رخمة أساسا وكلنا بنقع فيها ربنا يعينك وتخلصي البتاع الي مش راضي يخلص... إيه أخباره صحيح في جديد؟
يارب أعرف أخلصه بقى
ردحذفبس اللي حصل أن البتاع اللي فيه البتاع اللي مش راضي يخلص ماااااات خالص ;(وممكن أضطر أعيد حجات كنت كملتها أصلا فيه والحمد لله أن له نسخة عندي بس قديمة
يارب... ها صحي ولا لسه... هوا ايه الي خرب فيه أساسا؟
ردحذف