الجزم في حياتنا

الجزم، الأحذية، الشووز... أو أي حاجة بتتلبس في القدم كمداس بكل الأسماء والأنواع...
دايما كانت رمز للإحتقار
بتستخدم كشتيمة... وبعض الناس لما بيجيبو سيرتها تلاقيهم بيضطروا يقولوا (لا مؤاخذة - أو أكرمكم الله)
وبالرغم من كدا مفيش واحد فقير أو غني، غلبان أو مقتدر... بيستغنى عن حاجة يلبسها في رجله

وحتى لو معندوش بيتمنى يبقى عنده...
أو بيتصرف...

وتلاقي الجزم رفيقة للناس في كل تحركاتهم... وفي الي بيستخدمها جوا البيت...
جوا البيت دا اتعمله جزم مخصوص...

وإلي بيعلم أولاده...
يا ولد متدوسش على البلاط حافي...
ماندووو البس الشوز بتاعك...
وفي الأكتر من كدا كمان... في الي بيحب الجزم حب غريب وسبحان الله بيعاملها زي ولاده

لكن دا كله مش معناه الجزم خلاص مبقتش حقيرة في الزمن دا أو في الثقافة الحديثة...
لا ما زالت حقيرة...
والحاجات دي معناها بوضوح وبساطة ان الناس بيحتاجوا الجزم فا بيستخدموها بالرغم من حقارتها...

وأخيراً...
في جزم كتير في حياتنا لازم نخلي بالنا منها ومنديهاش أكبر من حجمها... حتى لو محتاجينها
وعن نفسي...أنا بكره الجزم وبحتقرها جدا... بس دا مش معناه اني همشي حافي

والسلام عليكم ورحمة الله وبركاته...