الدنيا بتتكلم عربي مكسر

وزيرة الخارجية الأمريكية هيلاري كلينتون إلى جوار نظيرها المصري في أول زيارة لها لمصر بعد سقوط نظام مبارك
وهو المؤتمر الذي قالت فيه "أم الدنيا" بالعربية ثم أكملت بالإنجليزية "قدمت عهدا جديدا للديموقراطية"

السلام عليكم...

  ثورة 25 يناير عرفتنا حاجات كتير قوي حتى عن نفسنا، لكن في حاجة مهمة صحيح كنت عارفها بس كنت شايفها غلط وفاهمها بالمقلوب. كنت عارف ان مصر بلد مهمة، وكنت مش فاهم ليه في نفس الوقت بيتم التعامل معها باستهانة واستخفاف -مع انها مهمة-

لما حصلت الثورة شفت
في البداية خطابات مبارك الي بيسبقها 3 خطابات أمريكية و3 بعدها (الخارجية، البيت الأبيض، أوباما)
ولا الخطابات والمظاهرات الي عن الوضع في كتير من دول العالم مع ان كان في ثورة قبلها بس الظاهر كانوا فاكرين الموضوع خاص بتونس ومش هيتكرر

بس الي لفت نظري بجد التماحيك حتى من قبل الثورة
لما أوباما اتكلم في جامعة القاهرة قدام جماهير قالك بالعربي "السلام عليكم"... عديناها
الخميني يطلع يقول خطبة الجمعة بالعربي... "خطبة بالعربي في إيران الي الخليج العربي عندهم اسمه الخليج الفارسي"
وآخرها كلينتون جاية تتمحك وتقولك وبالعربي "أم الدنيا"


ساعتها بس...
 - فهمت ان مصر وأي أرض مهمة بناسها... مهما كانت الجغرافيا والتاريخ وقناة السويس والهرم والذي منه عاملين شغل، أهمية البلد بناسها لأن الإستهانة كانت على المستوى الرسمي بس،
 لكن مثلا كان أي مغني حتى لو طالع من الزبالة عايز يحقق انتشار يعمل أغنية لمصر بدون ما يهمه انها بتغذي العنصرية المنتنة والغرور الأبله التافه
حتى الهايفة عديمة الإحساس عملت 80 مليون إحساس وبقت بطلة
لكن لما الشعب بقا في المقدمة بقت التماحيك رسمي

 - وفهمت كمان ان الي بيتمحكوا عمرهم ما كانت نيتهم خير... الي بيتمحكوا مش الصادقين

ولكل ممحوك متلون يحاول التمحك بالشعب المصري لمصلحة شخصية أو بقصد فصله عن محيطه الإسلامي والعربي أو محاولا الإلتفاف على ثورته...
أحب أقول: متحاولش... احنا عرب ومسلمين واخوانا فوق راسنا
وعمرنا ما هننسى ان ربنا هوا لوحده الي سترها معانا وكرمنا بنجاح الثورة دي